Helstu áhugamál mín eru þessi:
- Ég hef áhuga á ættfræði, sérstaklega því sem við kemur minni ætt, þ.e. vestfirskum ættum í föðurætt og ættum úr Vestur-Skaftafellssýslu í móðurætt. Sjálfur er ég fæddur og uppalinn í Vestmannaeyjum til tvítugs og hef þar af leiðandi miklar taugar þangað. Ég var formaður Ættfræðifélgsins (frá vori 2004 til vors 2008).
- Ég hef einnig mikinn áhuga á gönguferðum og hjólreiðum um landið,
en frá 1982 hef ég gengið töluvert um landið sunnanvert, þ.e. að mestu í
óbyggðum. Árið 1997 fór ég fyrstu óbyggðaferðina á hjóli með
hjólreiðaklúbbi nokkurra starfsmanna á Hafró, "Bergmál frá
hjólum", og líkaði vel. Önnur ferð
var farin sumarið 1998 og var hún ekki síðri en sú fyrsta.
Ég hef lokið leiðsögunámi og ætla mér að nota það nám til leiðsagnar túrista, bæði innlendra og erlendra. Var formaður Félags leiðsögumanna tímabilið 2002-2003. - Ég hef einnig mikinn áhuga á ljósmyndun, þó að um tíma hafi ég ekki gert eins mikið af því að taka myndir og ég gerði meðan ég var í Eyjum. Þó tek ég alltaf mikið af myndum í fjallaferðum og á orðið töluvert myndasafn úr þeim ferðum, aðallega slides-myndir. Nú tek ég á stafræna myndavél og er sýnishorn af myndum hér. Ljósmyndaáhuginn hefur aukist mjög með tilkomu stafrænu myndavélananna og tek ég fleiri myndir nú en nokkru sinni eins og sést á myndasíðunum á þessari heimasíðu minni. Einnig hef ég hafið skönnun á gömlum myndum sem fara síðan að einhverju leyti inn á heimasíðuna.
- Ég var í stjórn Knattspyrnudeildar Knattspyrnufélagsins Víkings árin
1994-1997 og hef starfað mikið innan Víkings frá árinu 1992, aðallega að
unglingamálum. Það kemur aðallega til af því að yngri sonur
- Nýjasta dellan er svo golfið. Við hjónin höfum bæði verið ofurseld golfinu síðan árið 2004. Anna byrjaði og dró mig með. Ég er núna fyrst að sjá einhvern smáárangur erfiðisins þó að það sjáist ekki enn á forgjöfinni.
· Lagað 9. apríl 2010.
·
