Nokkur undanfarin ár hef ég dundað við að taka saman ættir mínar, sérstaklega föðurættina sem er vestan af fjörðum, nánar tiltekið frá Ingjaldssandi í Önundarfirði. Hún virðist ekki hafa verið tekin saman áður. Ég kalla ættina Hraunsætt yngri, því til er eldra nafn á ættinni sem reyndar er þá rakin frá föður Eiríks Tómassonar og er hún kölluð Hraunsætt eldri.

Móðurættin er úr Vestur-Skaftafellssýslu og mun hún koma hér líka eftir því sem hún vinnst. Hér er kominn hluti ættarinnar, frá langafa mínum.

Ætt konu minnar, Önnu Gísladóttur, er Húsafellsætt sem út hefur komið, en fyrir nokkrum árum var ættingjamót haldið í Eyjafirði og í tilefni af því var gert niðjatal Axfjörð-ættarinnar sem hér er komið.
Hún er einnig af Fremra-Hálsætt, en hér er hluti af henni líka.